2025 წლის 27 ივნისს გრიგოლ რობაქიძის უნივერსიტეტის ბათუმის წარმომადგენლობის ტურიზმის პროგრამის სტუდენტებისთვის აჭარის კულტურული მემკვიდრეობის დაცვის სააგენტოში გასვლითი პრაქტიკული მეცადინეობა ჩატარდა.
მეცადინეობა დაიგეგმა სასწავლო დისციპლინების: “მასპინძლობის მენეჯმენტი“ და “მომსახურების მარკეტინგის პრინციპები“, სილაბუსებით გათვალისწინებული პროგრამის ფარგლებში.
სააგენტოს დირექტორი - ზაურ ახვლედიანი, სტუდენტებს ესაუბრა მატერიალური და არამატერიალური კულტურული მემკვიდრეობის ძეგლების მნიშვნელობის, ურბანული კულტურული მემკვიდრეობის, მიმდინარე და დაგეგმილი პროექტების შესახებ. ახალგაზრდები შოთა მამულაძის სახელობის გონიოს სამეცნიერო - კვლევით ცენტრსაც სტუმრობდნენ.
გასვლით პრაქტიკულ მეცადინეობას ხელმძღვანელობდა გრუნის ბიზნესისა და მართვის სკოლის ტურიზმის მიმართულების ასოცირებული პროფესორი - ნინო ხახუბია.