მეცნიერული კვლევისა და შემოქმედებითი ინიციატივის განვითარების ფონდი

მეცნიერული კვლევისა და შემოქმედებითი ინიციატივის განვითარების ფონდი შექმნილია აკადემიური და მოწვეული პერსონალისა და სტუდენტების კვლევისა თუ შემოქმედებითი ინიციატივების ხელშეწყობისათვის.

ფონდის ფარგლებში, პროექტების დაფინანსების საკითხს წყვეტს კოლეგიური ორგანო - მეცნიერული კვლევისა და შემოქმედებითი ინიციატივის განვითარების კომიტეტი.

რას გულისხმობს სამეცნიერო-კვლევითი პროექტი?

ნებისმიერი სამეცნიერო-კვლევის განხორციელება და ამ კვლევის შედეგების მომზადება/გამოცემა სხვადასხვა ფორმატით (მონოგრაფია, სტატია, მოხსენება, საერთაშორისო სამეცნიერო პროექტების მომზადება/განხორციელება, სამეცნიერო კონფერენციაზე მივლინება, საერთაშორისო სამეცნიერო და აკადემიური მობილობის განხორციელება და მისთ.).

რას გულისხმობს შემოქმედებითი ინიციატივა?

ნებისმიერი ინიციატივა, რომელიც ხელს შეუწყობს:

• სტუდენტთა აკადემიურ/სამეცნიერო პროგრესს (სახელმძღვანელოს/დამხმარე სახელმძღვანელოს მომზადება და გამოცემა, სტუდენტთა სამეცნიერო კონფერენციების ორგანიზება, საერთაშორისო კავშირების მოძიება/დამყარება, სასწავლო-მეთოდური ნაშრომების მომზადება/გამოცემა და მისთ.);
• აკადემიური და მოწვეული პერსონალის სამეცნიერო შესაძლებლობების განვითარებას (სამეცნიერო ერთეულების შექმნის ინიცირება, სამეცნიერო კონფერენციების ორგანიზება და მისთ.);
• აკადემიური და მოწვეული პერსონალი პროფესიული განვითარებას (ტრენინგებისა და სემინარების ორგანიზება, საერთაშორისო და ადგილობრივ ტრენინგების/სემინარების მუშაობაში მონაწილეობა, უცხოეთის ინსტიტუტებში მივლინების ჩათვლით, მეთოდური რეკომენდაციების/გამოცდილების ნაშრომის სახით გამოცემა და ა.შ.)
• ცხოვრების ჯანსაღი წესის პროპაგანდას/შესაბამისი აქტივობის განხორციელებას - სტუდენტთა შემეცნებითი, კულტურულ-სპორტული ღონისძიებების ორგანიზებას;
• სტუდენტთა შორის ეროვნული და დემოკრატიული ღირებულებების ფორმირებას/გაღრმავებას;
• მრავალფეროვნებისა და, ზოგადად, ადამიანთა მიმართ თანაგრძნობისა და მხარდაჭერის მოტივაციის განვითარებას;
• საზოგადოების განვითარებას;
• უნივერსიტეტის და საუნივერსიტეტო საზოგადოების (პერსონალი, სტუდენტები) საქმიანობის გაუმჯობესებას.

ვის შეუძლება წარადგინოს პროექტი?

პროექტი შეიძლება წარადგინონ გრუნის სტუდენტებმა, ნებისმიერმა თანამშრომელმა, აკადემიურმა და მოწვეულმა პერსონალმა. პროექტი შეიძლება იყოს ინდივიდუალური ან ჯგუფური. ჯგუფური პროექტის მონაწილე შეიძლება იყოს გარეშე პირიც გრუნის სტუდენტებს ან თანამშრომლებთან ერთად. პრიორიტეტი ენიჭება პერსონალისა და სტუდენტების ერთობლივ პროექტებს.

პროექტების ზოგადი იდიკატორები/კრიტერიუმები (თითოეული კრიტერიუმის მაქსიმალური ქულაა 5)

სამეცნიერო კვლევებისთვის

1. კვლევის აქტუალობა
2. კვლევის მიზანი
3. სამეცნიერო ღირებულება
4. პრაქტიკული ღირებულება/წვლილი საზოგადოების განვითარებაში
5. სამეცნიერო ჟურნალის სტატუსი (სამეცნიერო სტატიის გამოცემის შემთხვევაში) ან კონფერენციის სტატუსი (საერთაშორისო, ადგილობრივი)
6. სტუდენტთა მონაწილეობა
7. უცხოელი მკვლევარების მონაწილეობა

შემოქმედებითი ინიციატივის პროექტებისთვის

1. განსახორციელებელი აქტივობის აქტუალობა/მიზანი
2. აქტივობის შედეგები (თემასთან/მიზანთან მიმართებით)
3. მიზნობრივი ჯგუფის მრავალფეროვნება და სიმრავლე
4. პერსონალის პროექტში სტუდენტების მონაწილეობა
5. აქტივობის განხორციელების პროცესში უსაფრთხოების დაცვა
6. განსახორციელებელი აქტივობის/პროდუქტის ეფექტიანობა/მიზნის მიღწევის გზები
7. პროექტის ბიუჯეტის ეფექტიანობა

ყოველი ცალკეული პროექტისთვის შეიძლება დაზუსტდეს კრიტერიუმები