უნივერსიტეტში, სამეცნიერო-კვლევითი საქმიანობის წარმართვის/კოორდინაციის მიზნით ფუნქციონირებს სამეცნიერო კვლევების მართვის ცენტრი, როგორც უნივერსიტეტის სტრუქტურული ერთეული.

ცენტრი უზრუნველყოფს უნივერსიტეტის სამეცნიერო-კვლევითი მუშაობისთვის ხელსაყრელი პირობების შექმნას.

ცენტრის მიზნებია:

• ხელი შეუწყოს აკადემიური პერსონალის სამეცნიერო-შემოქმედებითი პოტენციალის გაფართოებას, ფუნდამენტური და გამოყენებითი კვლევების განხორციელებას, რომელიც ორიენტირებული იქნება არსებული ცოდნის განვითარებასა, ახლის შექმნასა და პრაქტიკული ამოცანების გადაწყვეტაზე;
• უზრუნველყოს ახალი ცოდნის გაზიარება საზოგადოებასა და საერთაშორისო სამეცნიერო წრეებს შორის;
• შექმნას შესაბამისი პირობები სტუდენტთა სამეცნიერო-კვლევითი უნარების განვითარებისა და ახალი თაობის სამეცნიერო კადრების მომზადებისთვის

ცენტრის ძირითადი ფუნქციები:

• უნივერსიტეტის სამეცნიერო-კვლევითი ერთეულების საქმიანობის კოორდინაცია ფუნდამენტური და გამოყენებით კვლევების განხორციელების, საკონსულტაციო და საექსპერტო-ანალიტიკური მუშაობის მიმართულებით;
• აკადემიური ეთიკის პრინციპების დაცვის უზრუნველყოფა;
• უნივერსიტეტის აკადემიური/სამეცნიერო პერსონალისა და დოქტორანტთა კომუნიკაციის ხელშეწყობა საერთაშორისო სამეცნიერო საზოგადოებასთან;
• ახალგაზრდა მეცნიერთა ზრდის პერსპექტივის უზრუნველყოფა;
• სამეცნიერო-კვლევების ხარისხის განვითარება და საგანმანათლებლო საქმიანობასთან ინტეგრირება;

ცენტრს ხელმძღვანელობს პროფესორი გოჩა ოჩიგავა