თბილისის მდგრადი განვითარების XVI რეგიონული ფორუმის ერთ-ერთ პანელურ დისკუსიას: „ადამიანური კაპიტალის განვითარება და განათლების როლი ეკონომიკური მდგრადობისთვის“, გრუნის რექტორის მოადგილე, ბიზნესისა და მართვის სკოლის დეკანი, პროფესორი ვახტანგ ჭარაია ხელმძღვანელობდა, როგორც პარტნიორი საგანმანათლებლო დაწესებულების წარმომადგენელი.

პანელის მონაწილეებმა იმსჯელეს: ეკონომიკური განვითარების პროცესში განათლების სისტემის მნიშვნელობის, ქვეყნის ადამიანური კაპიტალის გაძლიერების აუცილებლობისა და თანამედროვე შრომის ბაზრის მოთხოვნებზე მორგებული კადრების მომზადებაში უნივერსიტეტების როლის შესახებ.

პანელურ დისკუსიაში მონაწილეობდნენ: საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, თბილისის სახელმწიფო უნივერსიტეტის რექტორის მოადგილე ერეკლე ასტახიშვილი და ქუთაისის საერთაშორისო უნივერსიტეტის აღმასრულებელი დირექტორი ვახტანგ ცაგარელი.