2026 წლის 9 მარტს გრიგოლ რობაქიძის უნივერსიტეტში გაიმართა პროფესიული განვითარების ონლაინტრენინგი ზოგადსაგანმანათლებლო სკოლების ინგლისური ენის მასწავლებლებისთვის: “ხელოვნური ინტელექტის გამოყენება კლასში: სად ვართ, რა შესაძლებლობებს გვთავაზობენ და საუკეთესო პრაქტიკა მათი გამოყენებისთვის“.

არიზონას სახელმწიფო უნივერსიტეტის ენის სპეციალისტმა - ჯოშუა მაკლევერმა, პედაგოგებს გააცნო ხელოვნური ინტელექტის შესაძლებლობები და სასწავლო პროცესში მისი ეფექტურად გამოყენების ინსტრუმენტები, გაუზიარა ამ მიმართულებით არსებული ამერიკული გამოცდილება.

თბილისისა და რეგიონების სკოლების 40-მდე მასწავლებელმა მიიღო საინფორმაციო/სასწავლო მასალა ხელოვნური ინტელექტის ეთიკური გამოყენების შესახებ.

ტრენინგის დასრულების შემდეგ მონაწილეებს გადაეცათ სერტიფიკატები.