2025 წლის 21 თებერვალს გაიმართა გრიგოლ რობაქიძის უნივერსიტეტის მიგრაციისა და დიასპორის კვლევითი ცენტრის დირექტორის, ლელა გოგინავას, საინფორმაციო ონლაინშეხვედრა უნივერსიტეტის დოქტორანტებთან, COST Action-ის ფარგლებში თანამშრომლობის შესაძლებლობების გასაცნობად.

ცენტრის დირექტორმა დოქტორანტებს გააცნო ინფორმაცია COST Action-ის შესახებ, მასში მონაწილეობის სარგებელსა და თანამშრომლობის პერსპექტივებზე, ასევე, იმ შესაძლებლობებზე, რომლებიც მკვლევრებს აკადემიური კარიერის განვითარებისა და საერთაშორისო აკადემიურ სივრცეში ინტეგრაციის მიმართულებით ეძლევათ.

შეხვედრაზე, ასევე, განიხილეს COST Action-ის მოძიებისა და რეგისტრაციის პროცედურები, მენეჯმენტის კომიტეტში გაწევრიანების პროცესი და საქართველოში COST Action-ის ფარგლებში ჩატარებული ღონისძიებების გამოცდილება.

დოქტორანტებმა მიიღეს პრაქტიკული რჩევები და რეკომენდაციები წარმატებული აპლიკაციისთვის.

შეხვედრა ინტერაქტიულ ფორმატით წარიმართა, რამაც მონაწილეებს შესაძლებლობა მისცა აქტიურად ჩართულიყვნენ, დაესვათ კითხვები და მიეღოთ ამომწურავი ინფორმაცია.