გრიგოლ რობაქიძის სახელობის უნივერსიტეტის ბიბლიოთეკისა და ჰუმანიტარული სკოლის ორგანიზებით, გრუნის ეწვია ახალგაზრდა მწერალი და ჟურნალისტი დავით გორგილაძე.

შეხვედრაზე მოწვეულმა სტუმარმა სტუდენტებთან ერთად განიხილა თავისი წიგნის "ღმერთი სამსახურშია", შემდეგ კი ისაუბრა თანამედროვე ლიტერატურასა და ფსიქოლოგიაზე.

ღონისძიება წარიმართა კითხვა-პასუხის რეჟიმში, სტუდენტებმა სტუმარს დაუსვეს კითხვები მისი შემოქმედებისა და ზოგადად, თანამედროვე მწერლობის შესახებ.

შემოქმედებითი ნიჭით დაჯილდოებულმა სტუდენტებმა დიდი ინტერესით მოისმინეს რჩევები სტუმრისგან შემოქმედებით პროცესთან დაკავშირებით.