სოციალური მედია დღეს კომუნიკაციის ყველაზე ეფექტური ინტერნეტინსტრუმენტია. რამდენად ფლობს და სწორად მართავს ამ ინსტრუმენტის განუსაზღვრელ შესაძლებლობებს ახალგაზრდობა, განპირობებულია საქმის წარმატება.

უნივერსიტეტის ფინანსური მხარდაჭერით, გრუნის სტუდენტ-სტაჟიორებმა: მარიამ ფაცაციამ და ვახო ბაბუნაშვილმა, ასევე, სტრატეგიული განვითარებისა და მარკეტინგული კვლევის სამსახურის სპეციალისტმა დავით თარაშვილმა, დაასრულეს ქართულ - კანადური საგანმანათლებლო ცენტრის სოციალური მედიამარკეტინგის კურსი.

მედიაკურსის ფარგლებში მათ შეისწავლეს:

• ფეისბუქ გვერდის შექმნა, გაფორმება და ოპტიმიზაცია;
• კონკურენტების ანალიზი;
• ეფექტური რეკლამის შექმნა და ანალიზი;
• პოტენციური კლიენტების სეგმენტაცია;
• სოციალური მედიამარკეტინგული სტრატეგიის შექმნა.

სამივე ახალგაზრდა აქტიურადაა ჩართული უნივერსიტეტისა და მისი სხვადასხვა სკოლის ფეისბუკგვერდის მართვაში.

ქართულ -კანადური საგანმანათლებლო ტრენინგცენტრი 10 წელზე მეტია წარმატებულად ოპერირებს ქართულ ბაზარზე.