გრიგოლ რობაქიძის სახელობის უნივერსიტეტის რექტორის მრჩეველი ანა აბესაძე NAFSA-ს ყოველწლიურ კონფერენციაზე მომხსენებლად მიიწვიეს. NAFSA საერთაშორისო განათლების სფეროში მსოფლიოს ყველაზე დიდი ასოციაციაა, რომელიც ემსახურება 10 000-ზე მეტ წევრსა და 3500-ზე მეტ ინსტიტუტს 150-ზე მეტ ქვეყანაში.

NAFSA-ს კონფერენციაზე, რომელიც ამერიკის შეერთებულ შტატებში 2022 წლის 10-11 მარტს გაიმართება, ანა აბესაძე ისაუბრებს უნივერსიტეტისთვის რეგიონალური თანამშრომლობის მნიშვნელოვნების, კონფერენციის მონაწილეებთან სამომავლო კოოპერაციის გეგმების, საქართველოს უნივერსიტეტებისა და აშშ-ის საერთაშორისო განათლების მენეჯერებთან პარტნიორობის ორმხრივი ბენეფიტების შესახებ.

კონფერენციის მუშაობაში მომხსენებლად უნივერსიტეტის ჩართვის გადაწყვეტილება მიიღო აშშ-ის საელჩოს მიერ ორგანიზებული კონფერენციის ფასილიტატორმა, მიდლბერის საერთაშორისო კვლევების ინსტიტუტის საერთაშორისო განათლების მენეჯმენტის პროგრამის თავმჯდომარემ, პროფესორმა დევიდ ვიკიმ, რომელმაც 2022 წლის 20-21 იანვარს, თბილისში გამართულ ორდღიან კონფერენციაზე, მოისმინა გრიგოლ რობაქიძის უნივერსიტეტის მიერ ინტერნაციონალიზაციის სფეროში გაწეული საქმიანობა და საჭიროდ მიიჩნია პანდემიის ფონზე მიღწეული ამ შედეგებისა და გამოცდილების გაზიარება საერთაშორისო დონეზე.