27 თებერვალს უნივერსიტეტმა ზოგად უნარებში იმიტირებული გამოცდის შედეგები შეაჯამა და საუკეთესო შეფასების მქონე მოსწავლეებს სასწავლო გრანტი გადასცა.

გამოცდაზე საუკეთესო - 73 ქულა, თიანეთის სკოლის მე-12 კლასელმა თამარ ზვიადაურმა დაიმსახურა, რომელიც უნივერსიტეტმა 100%-იანი დაფინანსების სასწავლო გრანტით დააჯილდოვა.

შეფასებების შესაბამისად, სხვადასხვა სასწავლო გრანტი გადაეცა 20 საუკეთესო აბიტურიენტსაც.

უნივერსიტეტის რექტორის მოადგილემ გულიკო გალდავამ წარმატება მიულოცა მოსწავლეებს და მადლობა გადაუხადა პროექტის ორგანიზატორებსა და მონაწილეებს.

ტესტირების მიზანს ცოდნის შემოწმება და ერთიანი ეროვნული გამოცდებისათვის აბიტურიენტთა მომზადება წარმოადგენდა.