საქართველოს ეროვნული ბანკი აცხადებს კონკურსს სტუდენტებისთვის „მარეგულირებლის დილემა“.

კონკურსში მონაწილეობა სტუდენტებს, ერთი მხრივ, გააცნობს ცენტრალური ბანკის საქმიანობასა და შესძენს კონკურსებში მონაწილეობის გამოცდილებას, მეორე მხრივ, კი გაზრდის მათ უპირატესობას დამსაქმებელთან.

• კონკურსის ფარგლებში, სტუდენტური გუნდები იმუშავებენ ცენტრალური ბანკის დილემებზე და შეეცდებიან მათ ეფექტურად გადაჭრას;
• სტუდენტები დაესწრებიან სპეციალურად კონკურსის მონაწილეებისთვის ორგანიზებულ საინფორმაციო შეხვედრას და გაეცნობიან ეროვნული ბანკის სამუშაო სპეციფიკასა და სხვადასხვა დეპარტამენტის ფუნქციებს;
• კონკურსის მონაწილეების შესახებ ინფორმაცია გავრცელდება ეროვნული ბანკის ფინანსური განათლების სოციალური ქსელების საშუალებით;
• კონკურსის გამარჯვებულებისათვის დაწესებულია ფულადი პრიზები:

I ადგილი - 4 000 ლარი;

II ადგილი - 2 000 ლარი;

III ადგილი - 1 500 ლარი.

პროექტის შესახებ დეტალები იხილეთ ბმულზე.

რეგისტრაცია დაიწყება 19 ოქტომბერს, 11:00 საათზე, დასრულდება 25 ოქტომბერს. მონაწილეები შეირჩევა სარეგისტრაციო სიის თანმიმდევრობით. სარეგისტრაციო ბმული გამოქვეყნდება ფინანსური განათლების ვებგვერდსა (www.finedu.gov.ge ) და ფეისბუკგვერდზე (www.facebook.com/finedu.gov.ge ).

კონკურსი უკვე მეორე წელია ტარდება და სტუდენტებში დიდი დაინტერესებით გამოირჩევა.