სასწავლო ტური რაჭაში

გრიგოლ რობაქიძის სახელობის
უნივერსიტეტი


სასწავლო ტური რაჭაში


ბიზნესისა და მართვის სკოლის, ტურიზმის პროგრამის სტუდენტებისთვის მოეწყო კულტურულ-შემეცნებითი ტური რაჭაში. სტუდენტებმა ასოცირებულ პროფესორ მაკა ფირანაშვილთან ერთად შეადგინეს ტური და მოამზადეს სასწავლო თემატიკა, თავად გაუწიეს გიდობა აღნიშნულ ტურს. მოინახულეს XVIII საუკუნის ბარაკონის ღვთისმშობლის ეკლესია, შუა საუკუნეების ხოტევის მთავარანგელოზის ეკლესია და XVI-XVII სს. ხოტევის ციხე, XI საუკუნის ეროვნული ხუროთმოძღვრების შედევრი - ნიკორწმინდის  წმინდა ნიკოლოზის სახელობის ტაძარი და შაორის წყალსაცავი.

 

ტური მიზნად ისახავდა თეორიული ცოდნის პრაქტიკაში გადატანისა   და, ზოგადად, პროფესიული უნარების განვითარებას, საქართველოს ისტორიულ-გეოგრაფიული კუთხეების გაცნობას და რაჭის ტურისტულ-რეკრეაციული რესურსების შესწავლას.

 

 

საკონტაქტო პირი: მაკა ფირანაშვილი m.piranashvili@gruni.edu.ge