2016 წლის 28 იანვარს გრიგოლ რობაქიძის სახელობის უნივერსიტეტის რექტორმა მამუკა თავხელიძემ და ქ.თბილისის მერიის მუნიციპალური ცენტრის პროექტის „იურიდიული კლინიკა - ჩემი ადვოკატი“ დირექტორმა მარინა ბერაძემ ურთიერთთანამშრომლობის მემორანდუმი გააფორმეს .

ხელშეკრულების ფარგლებში გრიგოლ რობაქიძის სახელობის უნივერსიტეტის სამართლის სკოლის მაგისტრატურის სტუდენტები, სამოქალაქო და ადმინისტრაციულ სამართალში პრაქტიკულ კურსს პროექტ „იურიდიული კლინიკა - ჩემი ადვოკატი“ -ს ფარგლებში გაივლიან, სადაც სტუდენტები მოქალაქეებს, ორგანიზაციის ტრენერ-ადვოკატების ზედამხედველობით, იურიდიულ კონსულტაციებს და პრაქტიკულ დახმარებას გაუწევენ.

კურსი 4 თვე გაგრძელდება და 100 -მდე მაგისტრანტი გაივლის პრაქტიკას. კლინიკის მიზანია მაგისტრანტებს საშუალება მისცეს სამოქალაქო და ადმინისტრაციულ სამართალში მიღებული თეორიული ცოდნა პრაქტიკაში გამოიყენონ, გამოიმუშაონ სამართლებრივი პრობლემების დამოუკიდებლად გადაჭრისა და ადმინისტრირების უნარი. შეძლონ სამართლებრივი ბაზით სარგებლობა - სასამართლო პრაქტიკის შესწავლა და ანალიზი. მსგავსი ტიპის აქტივობებს გრიგოლ რობაქიძის უნივერსიტეტი სამომავლოდაც გეგმავს.

საკონტაქტო პირი: ნათია მეტრეველი n.metreveli@gruni.edu.ge