შაბათს, გრიგოლ რობაქიძის უნივერსიტეტის ჟურნალისტიკის და მასობრივი კომუნიკაციის აკადემიური პროგრამის ფარგლებში, მოდელირებული პრესკონფერენცია, ლადო კახაძესთან გაიმართა.

სტუდენტებმა მოწვეულ რესპონდენტს, რომელმაც თემაზე \"ჯანდავცის სისტემის რეფორმა, მიზანი და შედეგი\" ისაუბრა, წინასწარ მომზადებული შეკითხვები დაუსვეს. პრესკონფერენციის დამთავრების შემდეგ კი, მოდულის ხელმძღვანელმა სულხან მელაძემ სტუდენტებთან ერთად, პრესკონფერენციის წარმართვის სუსტი და ძლიერი მხარეები განიხილა. შეხვედრა უნივერსიტეტის საკონფერენციო დარბაზში გაიმართა.