გრიგოლ რობაქიძის სახელობის უნივერსიტეტის დაფინანსებით ჩატარდა სასწავლო ტური სამცხე–ჯავახეთში ბიზნესისა და მართვის სკოლის ტურიზმის სპეციალობის I დონის სტუდენტებისათვის. საგანმანათლებლო პოლიტიკიდან და სასწავლო პროგრამიდან გამომდინარე სასწავლო ტურის შედგენა–დამუშავების პრაქტიკული გამოცდილება მნიშვნელოვანია მათი პროფესიონალებად ჩამოყალიბებისთვის. სტუდენტებმა შეისწავლეს სამცხე-ჯავახეთის რეგიონის ფიზიკურ-გეოგრაფიული მდებარეობა და ისტორიულ-კულტურული ძეგლების მნიშვნელობა ტურიზმის განვითარებისათვის. სტუდენტებმა მოინახულეს XIII- XIV საუკუნეების საფარის მამათა მონასტერი, რომელიც ქართული კულტურის ერთ-ერთი შესანიშნავი ძეგლია, ასევე XIV საუკუნის ღვთისმშობლის მიძინების სახელობის ზარზმის მამათა სამონასტრო კომპლექსი, აგრეთვე მდინარე ფოცხოვის მარცხენა ნაპირზე მაღალ გორაკზე გაშენებული ქალაქ ახალციხის ძველი ნაწილი, ე.წ. რაბათის ციხე.