გრიგოლ რობაქიძის უნივერსიტეტის ლექტორი ხათუნა თავდგირრიძე თბილისში გერმანიიდან დაბრუნდა. 31 მაისს გერმანიაში, ქალაქ ფრანკფურტში, ფრანკფურტის ლიტერატურულმა სალონმა „ევტერპემ“ „რომანის ფაბრიკაში“ გამართა ქართველი მწერლის, გრიგოლ რობაქიძის უნივერსიტეტის პროფესორის ხათუნა თავდგირიძის ლიტერატურული საღამო და მისი რომანის „HOMO TOTUS”-ის გერმანული თარგმანის პრეზენტაცია. რომანი გერმანულად თარგმნა ანასტასია ყამარაულმა. გერმანულ ტექსტს კითხულობდა ფრანკფურტის გოეთეს უნივერსიტეტის ლექტორი სუზი შმიტი. საღამოს დასასრულს გაიმართა პოდიუმ-დისკუსია, აუდიტორიის შეკითხვებს პასუხობდა წიგნის ავტორი ხათუნა თავდგირიძე. გერმანელი დამსწრე საზოგადოების მიერ ტექსტი შეფასდა როგორც ძალიან ღრმა, ინტელექტუალური, მრავალშრიანი და ამბიციური ნამუშევარი.

ღონისძიება დააფინანსა საქართველოს კულტურისა და ძეგლთა დაცვის სამინისტრომ.