გრიგოლ რობაქიძის სახელობის უნივერსიტეტის ბიზნესისა და მართვის სკოლის 5 სტუდენტმა, მე-4 აკადემიური წელი უნგრეთში, ქალაქ ბუდაპეშტში, ოქსფორდ-ბრუკის უნივერსიტეტში დაასრულა და თბილისში დაბრუნდა. აკაკი ტარტარაშვილმა, ლევან ლაგვილავამ, თინა ქაწაშვილმა,თამარ დავითაძემ და ქეთევან ჩხაიძემ გრიგოლ რობაქიძის უნივერსიტეტის ქართულ-ბრიტანულ-უნგრული პროგრამის საშუალებით ორმაგი დიპლომი მოიპოვეს. კურსდამთავრებულებს გადაეცათ ოქსფორდ ბრუკის უნივერსიტეტის საბაკალავრო დიპლომი. მათ, ასევე, მიენიჭებათ გრიგოლ რობაქიძის უნივერსიტეტის საბაკალავრო დიპლომი.