გრიგოლ რობაქიძის სახელობის უნივერსიტეტს საქართველოს ფრანგული ინსტიტუტის დირექტორი, საფრანგეთის ელჩის მრჩეველი თანამშრომლობისა და კულტურულ ღონისძიებათა საკითხებში ჟან-ივ ლავუარი ესტუმრა. ბატონ ჟან-ივმა და უნივერსიტეტის რექტორმა ბატონ მამუკა თავხელიძემ შეხვედრაზე ისაუბრეს ალმა მატერის სწავლა-სწავლების სისტემაზე, საფრანგეთში არსებულ განათლების ინსტიტუტზე, ურთიერთთანამშრომლობის პერსპექტივაზე. ელჩის მრჩეველი გაეცნო გრიგოლ რობაქიძის სახელობის უნივერსიტეტის სასწავლო-გაცვლით პროგრამებს. განსაკუთრებით კი დაინტერესდა უნივერსიტეტის „ნანტის“ პროგრამით, რომლის ფარგლებში 2014 წელს ორი სტუდენტი (სამართლის სკოლა) უნივერსიტეტის დაფინანსებით გაემგზავრა და ისწავლა ნანტში, სადაც მოიპოვეს კრედიტები. ახლო მომავალში იგეგმება კვლავ, უკვე 4 სტუდენტის გამგზავრება ნანტში სასწავლოდ. შეხვედრას ესწრებოდნენ რექტორის მოადგილე - ქალბატონი ნინო ქემერტელიძე, უნივერსიტეტის არჩევითი ენების მიმართულების ხელმძღვანელი თამარ გაგოშიძე, საზოგადოებასთან ურთიერთობის სამსახური ხელმძღვანელი ნატო მახათაძე და მრჩევლის ასისტენტი ანა ლოლუა.