გრიგოლ რობაქიძის უნივერსიტეტში გაიმართა პოლიტიკურ მეცნიერებათა დოქტორის ბატონ ზურაბ ხონელიძის ღია ლექცია თემაზე „სამხრეთ კავკასია-გეოპოლიტიკური სივრცე“. ლექციას უნივერსიტეტის სამართლის და საჯარო მმართველობისა და პოლიტიკის სკოლის სტუდენტები დაესწრნენ, შეხვედრა კითხვა-პასუხის რეჟიმით გაიმართა. ლექციის დასასრულს უნივერსიტეტის რექტორმა ბატონ მამუკა თავხელიძემ ბატონ ზურაბს გრიგოლ რობაქიძის უნივერსიტეტის საპატიო დოქტორის წოდება მიანიჭა და დამადასტურებელი სიგელი გადასცა.