ურთიერთთანამშრომლობის მემორანდუმის ფარგლებში გრიგოლ რობაქიძის სახელობის უნივერსიტეტის სამართლის სკოლის პირველი სემესტრის სტუდენტები ეწვივნენ საქართველოს უზენაეს სასამართლოს. ვიზიტისას სტუდენტებმა დაათვალიერეს სასამართლოში არსებული მუზეუმი, სასამართლო დარბაზები, გაეცნენ უზენაესი სასამართლოს მუშაობის სპეციფიკას. სასამართლოს მხრიდან შეხვედრას წარუძღვა სამართლის დოქტორი, გრიგოლ რობაქიძის სახელობის უნივერსიტეტის პროფესორი, ცნობილი ცივილისტი საქართველოს უზენაესი სასამართლოს წევრი ბ-ნი ზურაბ ძლიერიშვილი.