გრიგოლ რობაქიძის სახელობის უნივერსიტეტში გაზაფხულის დადგომასთან დაკავშირებით სპეციალური ღონისძიება ჩატარდა. უნივერსიტეტს ესტუმრნენ საზოგადოებისათვის კარგად ცნობილი ქალბატონები. შეხვედრამ არაოფიციალური ფორმატით ჩაიარა და კონცერტით დასრულდა, რომელშიც მონაწილეობდნენ ალმა მატერის მეგობრები: კვარტეტი „13“, მომღერალი რუსა სერგია და სტუდენტური ხმის გამარჯვებული ალმა მატერის სტუდენტი შოთიკო ფუტკარაძე. საღამოს დასასრულს რექტორმა მამუკა თავხელიძემ ქალბატონებს სპეციალური საჩუქრები გადასცა.