გრიგოლ რობაქიძის სახელობის უნივერსიტეტი, ჯანდაცვის მარკეტინგის საკონსულტაციო ჯგუფთან ერთად, ჟორდანიას სახელობის სამედიცინო ცენტრის ექიმებისთვის ჩაატარებს აკრედიტებულ ტრენინგს: „პაციენტზე ორიენტირებული ეფექტური კომუნიკაციის ტექნიკა ექიმებისთვის“.

ექიმისა და პაციენტის სწორი ურთიერთობა მნიშვნელოვანწილად განსაზღვრავს საჭირო ინფორმაციის იდენტიფიცირებას, სწორ დიაგნოზსა და ეფექტური მკურნალობის დაგეგმვას, შესაბამისად, ტრენინგის ფარგლებში მსმენელები შეისწავლიან:

• სამედიცინო კომუნიკაციის თავისებურებებს;
• ექიმსა და პაციენტს შორის არსებული ბარიერების მოხსნის მეთოდებს;
• ეფექტური ვერბალური და არავერბალური კომუნიკაციის ტექნიკას;
• კონფლიქტური სიტუაციისა და რთული პაციენტების მართვას;
• პაციენტზე ორიენტირებული ვიზიტის სქემას;
• პაციენტის მკურნალობის პროცესში ჩართულობისა და მოტივაციის გაზრდის მეთოდებს;

მსმენელებს მიენიჭებათ 6 უპგ ქულა.

ტრენინგის ხანგრძლივობა: 2 დღე (6 საათი)

ჩატარების თარიღი:

• 30 ოქტომბერი, 16:00 სთ.
• 31 ოქტომბერი, 11:00 სთ.

მისამართი: თბილისი, ერმილე ბედიას ქუჩა №33, ჟორდანიას სახელობის სამედიცინო ცენტრი.

ტრენერი: ჯანდაცვის მაგისტრი, ჯანდაცვის მარკეტინგის საკონსულტაციო ჯგუფის დირექტორი, სოფიო გოგელაშვილი.