გრიგოლ რობაქიძის სახელობის უნივერსიტეტის ბიზნესისა და მართვის სკოლის ტურიზმის პროგრამის ასოცირებული პროფესორები მაკა ფირანაშვილი და მაია მელაძე 2015 წლის 23-24 აპრილს იმყოფებოდნენ სლოვაკეთში, ტრენჩინის ალექსანდრ დუბჩეკის სახელობის უნივერსიტეტის მიერ მოწყობილ საერთაშორისო სამეცნიერო კონფერენციაზე „ადამიანური რესურსების მართვა“. კონფერენციის მუშაობა მიმდინარეობდა ტატრების ზამთრის (სათხილამურო) კურორტ - შტრბსკე პლესოში.

კონფერენციაზე წარდგენილი იქნა მოხსენებები: „საერთაშორისო ტურიზმის განვითარების სოციალურ-ეკონომიკური ასპექტები საქართველოში“ („Socio-Economic Aspects of Promoting International Tourism in Georgia“), მომხსენებელი - ტურიზმის პროგრამის ხელმძღვანელი ასოცირებული პროფესორი მ. ფირანაშვილი. „ხარვეზები განათლებასა და დასაქმებას შორის სამხრეთ კავკასიის ქვეყნებში“ („The Gap between Education and Employment in South Caucasus Countries“), მომხსენებელი - ტურიზმის პროგრამის ასოცირებული პროფესორი მ. მელაძე. აღნიშნულმა მოხსენებებმა დიდი მოწონება დაიმსახურა, მომხსენებლებს გადაეცათ სერტიფიკატები, სტატიები გამოქვეყნდება საერთაშორისო სამეცნიერო ჟურნალში.