ორი დღის განმავლობაში მიმდინარეობდა ტრენინგი გრუნის აკადემიური პერსონალისა და დოქტორანტებისთვის სამეცნიერო სტატიის წერისა და გამოცემის საკითხების შესახებ, რომელსაც უძღვებოდა ევროპული სამეცნიერო ჟურნალის პრეზიდენტი - ჯოვან შოპოვსკი.
ტრენინგის მუშაობაში მონაწილეობდნენ როგორც თბილისის, ისე ბათუმის წარმომადგენლობის პროფესორები და დოქტორანტები. ტრენინგი მოიცავდა ისეთ საკითხებს, როგორებიცაა: სამეცნიერო სტატიის წერის პრინციპები, კვლევის ჩატარების თავისებურებები, საერთაშორისო მაღალრეიტინგულ ჟურნალებში გამოცემის მეთოდები და ა.შ.
ტრენინგს ჯოვან შოპოვსკისთან ერთად უძღვებოდნენ დოქტორი კიტ მორისონი - განათლების სფეროში Google Scholar-ის ყველაზე ციტირებული ავტორების ტოპ ათეულის წევრი და დოქტორი დანიელ ჰიერისი - ჩიკაგოს ილინოისის უნივერსიტეტის ნევროლოგიის დამსახურებული პროფესორი, ელექტრო და კომპიუტერული ინჟინერიის დამხმარე პროფესორი, ქიმიის დამხმარე პროფესორი მისურის მეცნიერებისა და ტექნოლოგიების უნივერსიტეტში.