ბელგიაში, ანტვერპენის უნივერსიტეტში, სამედიცინო სამართლის მსოფლიო ასოციაციის (WAML) ორგანიზებით, გაიმართა სამედიცინო სამართლის 30-ე მსოფლიო კონგრესი, რომლის მუშაობაში მონაწილეობდა გრიგოლ რობაქიძის უნივერსიტეტის პროფესორი ნინო ლიპარტია.

გრუნის პროფესორმა კონგრესზე წარდგენილ მოხსენებაში: „სამედიცინო დაუდევრობის გადააზრება ხელოვნური ინტელექტის ეპოქაში: დაკარგული შანსის დოქტრინა, როგორც პასუხი ალგორითმულ გადაწყვეტილებაზე", განიხილა, როგორ იცვლება სამედიცინო დაუდევრობის სამართლებრივი შეფასება ალგორითმული გადაწყვეტილებების კონტექსტში.

კონგრესის ფარგლებში, ნინო ლიპარტია უძღვებოდა სამედიცინო გაუფრთხილებლობისადმი მიძღვნილ ერთ-ერთ სესიას და კოლეგებთან ერთად საინტერესო პროფესიული დისკუსია წარმართა.

კონგრესის მიმდინარეობისას გრუნის პროფესორი აირჩიეს სამედიცინო სამართლის მსოფლიო ასოციაციის (WAML) საქართველოს წარმომადგენლად.

ვულოცავთ ნინო ლიპარტიას ამ წარმატებას.