გრიგოლ რობაქიძის სახელობის უნივერსიტეტის მიწის სამართლის სამეცნიერო-კვლევითი ინსტიტუტის დირექტორი, სამართლის დოქტორი, ასოცირებული პროფესორი, ევროპული და საერთაშორისო ბიზნესსამართლის მაგისტრი - თორნიკე მერებაშვილი, მონაწილეობდა V საერთაშორისო სამეცნიერო-პრაქტიკულ კონფერენციაში "Land & Property Development: Innovations and Transformations", რომელსაც უმასპინძლა კიევის მშენებლობისა და არქიტექტურის ეროვნულმა უნივერსიტეტმა.

კონფერენციაზე გრუნის პროფესორმა, როგორც PLPR-ის (International Academic Association on Planning, Law, and Property Rights) წევრმა, წარადგინა მოხსენება: „უცხოელთა საკუთრების უფლება სასოფლო-სამეურნეო მიწაზე: ევროკავშირისა და საქართველოს სამართლებრივი მოდელების შედარებითი ანალიზი".

თორნიკე მერებაშვილმა საერთაშორისო სამეცნიერო საზოგადოებას გაუზიარა თავისი მოსაზრებები უცხოელ პირებზე სასოფლო-სამეურნეო მიწის გასხვისების წესრიგის შესახებ, გაანალიზა ევროკავშირისა და საქართველოს სამართლებრივი მოდელები, წარადგინა: ევროკავშირის ფუნქციონირების თაობაზე ხელშეკრულების შესაბამისი დებულებები, ევროკავშირის მართლმსაჯულების სასამართლოს გადაწყვეტილებები, საქართველოს საკონსტიტუციო სასამართლოს პრაქტიკა და ევროინტეგრაციის კონტექსტში ჰარმონიზაციის პერსპექტივები.