გრიგოლ რობაქიძის უნივერსიტეტის პროფესორმა, გაეროს ბავშვის უფლებათა კომიტეტის თავმჯდომარემ, სოფო კილაძემ, შვეიცარიაში, ლუცერნის უნივერსიტეტში, წაიკითხა ლექცია ბავშვის უფლებების დაცვის აქტუალური საკითხების შესახებ.

ლექციას ესწრებოდნენ ლუცერნისა და მსოფლიოს სხვადასხვა უნივერსიტეტის სხვადასხვა ფაკულტეტის სტუდენტები, რაც კიდევ ერთხელ ადასტურებს ბავშვის უფლებების დაცვის მნიშვნელობასა და აღნიშნულ საკითხზე საერთაშორისო აკადემიური თანამშრომლობის გაღრმავების აუცილებლობას.