გრიგოლ რობაქიძის სახელობის უნივერსიტეტში SDGs -ის სტუდენტური კლუბი დაარსდა.

მდგრადი განვითარების ცენტრის ამ ინიციატივის მიზანია სტუდენტების ჩართვა მდგრადი განვითარების მიზნების რეალიზების პროცესში ისეთი აქტივობების ორგანიზებით, როგორებიცაა: ცნობიერების ამაღლების კამპანიები, ვორკშოფები, ტრენინგები, პროექტები, დასუფთავებისა და გამწვანების აქციები და სხვა.

სტუდენტური კლუბის წევრობა ახალგაზრდებს სთავაზობს შესაძლებლობას, აქტიურად ჩაერთონ ადგილობრივ და საერთაშორისო პროექტებში მდგრადი განვითარების მიმართულებით, ითანამშრომლონ თანატოლებთან და ხელი შეუწყონ მდგრადი განვითარების მიზნების შესახებ ცნობიერების ამაღლებასა და მათ რეალიზებას მდგრადი მომავლის უზრუნველსაყოფად.

კლუბი ღიაა GRUNI-ის სტუდენტებისთვის.

იხილეთ სარეგისტრაციო ბმული: https://forms.gle/8WaXCbegBP2qcwxP9

შემოუერთდით ჩვენს კლუბს და შეიტანეთ თქვენი წვლილი მდგრადი განვითარების პროცესში!

გახადე შენი საუნივერსიტეტო ცხოვრება უფრო სახალისო და შემეცნებითი!

GRUNI-ის მდგრადი განვითარების ცენტრი აკადემიურ სივრცეში მოქმედი უნიკალური დაწესებულებაა, რომელიც აქტიურად მუშაობს აღნიშნული მიმართულებით.