27 სექტემბერს საქართველოში აღინიშნა მსოფლიო ტურიზმის დღე, რომელსაც მიეძღვნა სტუდენტური კონფერენცია: „მშვიდობა და მთის მდგრადი ტურიზმი - გამოწვევები და შესაძლებლობები“.

საერთაშორისო სტუდენტურ კონფერენციაში მონაწილეობა მიიღო გრიგოლ რობაქიძის სახელობის უნივერისტეტის, ტურიზმის პროგრამის სტუდენტმა ლიზი ძიმისტარიშვილმა, რომელმაც ასოცირებული პროფესორის- მაკა ფირანაშვილის ხელმძღვანელობით, წარადგინა თემა: “ მდგრადი სამთო ტურიზმის განვითარება საქართველოს სამთო-სათხილამურო კურორტების მაგალითზე”. ნაშრომმა დამსწრე საზოგადოების დიდი მოწონება დაიმსახურა .

კონფერენციის მთავარი პარტნიორები იყვნენ გაეროს ტურიზმის ორგანიზაცია და საქართველოს ტურიზმის ეროვნული ადმინისტრაცია. ღონისძიების მხარდამჭერები იყვნენ კანადის, იტალიისა და იაპონიის ორგანიზაციები; დაცული ტერიტორიების სააგენტო; კურორტების განვითარების სააგენტო; გარემოს ეროვნული სააგენტო და სხვა. კონფერენციას დაესწრო გაეროს მსოფლიო ტურიზმის ორგანიზაციის ევროპის რეგიონული დირექტორი კორდულა ვოლმუტერი.

28 სექტემბერს კონფერენციის მონაწილეებისთვის მოეწყო ეკოტურისტული ლაშქრობა ტანას დაცულ ტერიტორიაზე. კონფერენციის მონაწილეებს გადაეცათ სერტიფიკატები.