მიმდინარე წლის 21 სექტემბერს გრიგოლ რობაქიძის სახელობის უნივერსიტეტში საზეიმოდ გაიხსნა ერთკვირიანი გამოფენა, რომელიც მეცნიერებისა და ტექნოლოგიების ევროპული თანამშრომლობის ასოციაციის (COST) პროექტის - „ქალები მოძრაობაში“, ფარგლებში მომზადდა. ღონისძიებას ესწრებოდნენ მეცნიერები და მკვლევრები საქართველოს, საფრანგეთის, კვიპროსის, თურქეთის, უკრაინისა და ფინეთის უნივერსიტეტებიდან და კვლევითი ცენტრებიდან, რომლებიც საქართველოში 20-22 სექტემბერს COST-ის პროექტის - „ქალები მოძრაობაში“, სამუშაო შეხვედრის ფარგლებში იმყოფებოდნენ.

გამოფენა ერთ კვირას გასტანს და ის მნიშვნელოვან ინფორმაციას შეიცავს მიგრანტი ქალების მოღვაწეობის შესახებ მე-16 საუკუნიდან დღემდე. ექსპოზიციაზე წარმოადგენილია: წერილები, ქრონიკები, ღირსშესანიშნაობები და პოსტერები, რამაც დამთვალიერებელთა დიდი ინტერესი გამოიწვია. გამოფენის გახსნის საზეიმო ცერემონიაზე დამსწრე საზოგადოებას მისასალმებელი სიტყვით მიმართეს: უნივერსიტეტის რექტორმა, პროფესორმა მამუკა თავხელიძემ, გრიგოლ რობაქიძის სახელობის უნივერსიტეტის მიგრაციისა და დიასპორის კველვითი ცენტრის ხელმძღვანელმა ლელა გოგინავამ და (COST)-ის პროექტის - „ქალები მოძრაობაში“, ხელმძღვანელმა, პროფესორმა მარი რუიზმა.

ამგვარი პროექტების განხორციელება ხელს უწყობს მიგრაციის კვლევების შესახებ საქართველოსა და ევროპის სხვადასხვა ქვეყნის უნივერსიტეტებისა და კვლევითი ცენტრების დაახლოებას, გამოცდილების ურთიერთგაცვლასა და შემდგომი თანამშრომლობის გაგრძელებას.