გრიგოლ რობაქიძის სახელობის უნივერსიტეტის ბიზნესისა და მართვის სკოლის ტურიზმის პროგრამის ხელმძღვანელი ასოცირებული პროფესორი მაკა ფირანაშვილი და ჰუმანიტარული და სოციალური მეცნიერების სკოლის პროფესორი ლამარა ქადაგიძე საქმიანი ვიზიტით იმყოფებოდნენ ლიტვაში (20-30 ოქტომბერს).

ვიზიტის განმავლობაში მონაწილეობა მიიღეს კლაიპედაში ლიტვის გამოყენებითი მეცნიერებების ბიზნეს უნივერსიტეტის მიერ ორგანიზებულ მე-11 საერთაშორისო კონფერენციაში - „მდგრადი რეგიონული განვითარება: ეკონომიკური, მმართველობითი და ტექნოლოგიური შესაძლებლობები“ (11th International scientific conference – 2015, SUSTAINABLE REGIONAL DEVELOPMENT: ECONOMICAL, MANAGEMENT AND TECHNOLOGICAL POSSIBILITIES).

კონფერენციაზე პროფესორებმა მაკა ფირანაშვილმა და ლამარა ქადაგიძემ წარადგინეს ერთობლივი მოხსენება: „ტურიზმის, როგორც დარგთაშორისი დისციპლინის როლი საქართველოს ეკონომიკის განვითარებაში“ (The Role of Tourism as an Interdisciplinary Subject in the Development of Georgian Economy). სტატია დაიბეჭდება საერთაშორისო სამეცნიერო ჟურნალში (Vadyba, Journal of Management – ISSN 1648-7974) 2016 წელს. პროფესორები შეხვდნენ ვილნიუსის უნივერსიტეტის წარმომადგენლებს, დაისახა მომავალი თანამშრომლობის პერსპექტივები და ერთობლივი პროექტების შესაძლებლობა.

საკონტაქტო პირი: ირინა კობახიძე; irina.kobakhidze@gruni.edu.ge; 568 67 60 22