2014 წლის 20 ივლისს, გრიგოლ რობაქიძის სახელობის უნივერსიტეტის საჯარო მმართველობისა და პოლიტიკის სკოლის სტუდენტები სალომე ცირეკიძე, მოჰამედ-ალი ხალილოვი, სოფიკო წიკლაური, მარიამ შენგელია, ქრისტინე კირაკოსიანი, ესტატე გამოძე და მედიაცცი კონკურსში გამარჯვებულები, სკოლა ,,ალბიონის” მოსწავლეები ჯანო ქოროღლიშვილი და სალომე ბექაური გაემგავრენ გერმანიაში ერთი კვირით. მონაწილეები შეხვდებიან საქართველოს ელჩს გერმანიაში ლადო ჭანტურიას, დაათვალიერებენ ბრანდერბურგის მიწის ლანდთაგს, გერმანიის პარლამენტს და გაეცნობიან გერმანის საჯარო მმართველობის სისტემას.

სტუდენტთა ჯგუფს ხელმძღვანელობას უწევს საჯარო მმართველობისა და პოლიტიკის სკოლის დეკანი, ასოცირებული პროფესორი ანა ფირცხალაშვილი.

სტუდენტთა პროექტში მონაწილეობას აფინანსებს გერმანიის პარლამენტი, ხოლო ცხოვრებისა და მგზავრობის ხარჯებს უზრუნველყოფს გრიგოლ რობაქიძის სახელობის უნივერსიტეტი.