1 მაისს, 15:00 საათზე, გრიგოლ რობაქიძის სახელობის უნივერსიტეტში გაიმართა ტრეინინგი პრეზენტაციის ხელოვნებაში. ტრეინინგის საკითხები იყო:

o გენეტიკა და შეძენილი უნარები;
o ადამიანისა და სხეულის ენა;
o ვიზუალური ეფექტების მნიშვნელობა;
o სად ვეძებოთ წარმატების მოტივატორები;

\"პრეზენტატორიუმი\" პრეზენტატორთა კლუბია, რომლის მთავარი მიზანი მომსახურების გაუმჯობესება, ადამიანის უნარების უკეთესობისაკენ შეცვლაა. საზოგადოების დიდ ნაწილს უჭირს საკუთარი თავისა და მათ გარშემო არსებული პროდუქტის წარმოჩენა-რეალიზება. არსებობს კომპლექსები, შიშები, საფრთხეები, რომელთა გადაჭრაც შესაძლებელია. ტრეინინგზე სტუდენტებს საშუალება მიეცათ, გაეუმჯობესებინათ უნარები, რომლებიც სათქმელის გამოხატვას უადვილებს ადამიანს და პრეზენტაციას უფრო ეფექტურს ხდის.

ტრენერი: გიორგი ლიპარიშვილი Presentatorium-ის ერთერთი დამფუძნებელი, ჟურნალისტი.

ტრეინინგმა წარმატებით ჩაიარა და სტუდენტებმა სურვილი გამოთქვეს, რომ კვლავ გაიმართოს მსგავსი ტიპის ტრეინინგი, რათა უფრო სიღრმისეულად მოისმინონ კონკრეტული საკითხები.