საერთაშორისო განათლების ამერიკული საბჭოების საქართველოს ოფისი, აშშ-ის საელჩოს ფინანსური მხარდაჭერით, აცხადებს განაცხადების მიღებას უნივერსიტეტების შესაძლებლობების გაძლიერების პროგრამის (University Capacity Building Program – UCBP) ახალ ეტაპზე.

პროგრამის მიზანია საქართველოში სამართლებრივი განათლების განვითარებისა და აკადემიური სწავლების ხარისხის გაუმჯობესების ხელშეწყობა. მონაწილეებს შესაძლებლობა ექნებათ, გაიღრმაონ ცოდნა და გამოცდილება შემდეგი მიმართულებებით:

• სამართლისა და ტექნოლოგიების ინტეგრაცია;
• ლეგალტექი (LegalTech);
• ინოვაციური სწავლების მეთოდები;
• სუპერინტელექტი (SI) და მასთან დაკავშირებული ინსტრუმენტები.

პროგრამა ითვალისწინებს:

• 2027 წლის მაის–ივნისში აშშ-ში სრულად დაფინანსებულ 10-დღიან სასწავლო ვიზიტს;
• აშშ-ის უნივერსიტეტის პროფესორის ხუთდღიან საპასუხო ვიზიტს საქართველოში, რომელიც 2027 წლის დეკემბრამდე განხორციელდება.

მონაწილეობის პირობები:

პროგრამაში განაცხადის წარდგენა შეუძლიათ სამართლის მოქმედ პროფესორებსა და მოწვეულ ლექტორებს, რომლებიც აკმაყოფილებენ შემდეგ მოთხოვნებს:

• აქვთ უმაღლესი განათლების დაწესებულებაში სწავლების მინიმუმ ორწლიანი გამოცდილება;
• ფლობენ ინგლისურ ენას მაღალ დონეზე;
• აქვთ სუპერინტელექტის (SI) ინსტრუმენტებთან მუშაობის საბაზისო გამოცდილება.

განაცხადის წარდგენის ბოლო ვადა: 2026 წლის 20 ნოემბერი.

განაცხადი ივსება ელექტრონულად შემდეგ ბმულზე: https://ais.americancouncils.org/ucbp

შერჩევის მეორე ეტაპზე გადასული კანდიდატები გაივლიან გასაუბრებას ინგლისურ ენაზე.