2012 წელს იოჰან გოტფრიდ ჰერდერის ფონდმა (ბონი, გერმანია) კვლავ დააფინანსა პროფ. ჰელმუტ შნაიდერის სამეცნიერო–კვლევითი და სასწავლო საქმიანობა გრიგოლ რობაქიძის სახელობის უნივერსიტეტის ფილოსოფიისა და სოციალურ მეცნიერებათა კვლევით ინსტიტუტში (2012 წლის 1 მარტიდან 2012 წლის 31 ივლისის ჩათვლით).
აღნიშნული სამეცნიერო გრანტის ფარგლებში პროფ. ჰელმუტ შნაიდერმა განახორციელა სამეცნიერო-კვლევითი და პედაგოგიური საქმიანობა სამივე საგანმანათლებლო საფეხურზე (ბაკალავრიატი, მაგისტრატურა, დოქტორანტურა). გარდა ამისა, იგი ხელმძღვანელობდა ლექცია–სემინარების კურსს XX საუკუნის თვალსაჩინო გერმანელი ფილოსოფოსის, მარტინ ჰაიდეგერის (1889–1976) ხელოვნების ფილოსოფიის შესახებ.