ურთიერთთანამშრომლობის მემორანდუმის საფუძველზე, ბიზნესის ადმინისტრირების (ფინანსები) საბაკალავრო პროგრამის სტუდენტებისთვის დაიწყო პროფესიული სტაჟირების უფასო პროგრამა კომპანიაში “ჰიპ ჯორჯია”.

პროგრამაში მონაწილეობენ დამამთავრებელი წლის სტუდენტები - წულაძე სალომე, მახათაძე ქეთი, გალუსტოვა დიანა, ბერიძე ჯემალი, ხაჩიური ნანა, ხაჩიძე მარიამი, ჩხაიძე ნონა, სადღობელაშვილი ბესიკი და მიგრიაული ანა.

სტაჟირების პროცესში, გარდა პრაქტიკული საქმიანობისა, სტუდენტებს ჩაუტარდებათ მასტერ-კლასები ისეთ მნიშვნელოვან საკითხებზე, როგორიცაა:  ფინანსური აღრიცხვის ძირითადი პრინციპები და ფინანსური უწყისები; საბალანსო უწყისის კომპონენტები, ორმაგი გატარება; საბალანსო უწყისის ფორმულა და მოგება-ზარალის უწყისთან არსებული კავშირი; მოკლევადიანი და გრძელვადიანი აქტივების აღრიცხვა; ცვეთა და ცვეთის ცხრილი, მეთოდები; მოკლე და გრძელვადიანი ვალდებულებები და სესხის ამორტიზაცია; გადავადებული საგადახდო აქტივებისა და ვალდებულებების წარმოშობის მიზეზის დადგენა და ანალიზი; ფულის მოძრაობის კონტროლის სისტემები, უწყისი და მისი მომზადება, საინვესტიციო და საფინანსო ფულის მოძრაობა; საოპერაციო ფულის მოძრაობის პირდაპირი და არაპირდაპირი მეთოდებით აღრიცხვა; ფულადი სახსრებოს მოძრაობის ანალიზი და სხვ.