გრიგოლ რობაქიძის უნივერსიტეტის სტუდენტები, პარტნიორი ორგანიზაციის - „დრონი“, მხარდაჭერით, რუმინეთის ქალაქ ბაია-მარეში, საერთაშორისო სემინარებზე, იმყოფებოდნენ.
ფსიქოლოგიის საბაკალავრო პროგრამის სტუდენტებმა: მარიამ თავშავაძემ, ნინიკო სამუშიამ, ლიზი იაკობაძემ, ანი რურუამ, ჟურნალისტიკისა და მასობრივი კომუნიკაციის საბაკალავრო პროგრამის სტუდენტმა - გიორგი მორჩილაძემ, პროექტის - „ციფრული მდგრადობის თავსატეხი“, ფარგლებში გამართულ დისკუსიებში მიიღეს მონაწილეობა და განიხილეს ციფრული სამყაროს განვითარებასთან დაკავშირებული გამოწვევები: ChatGPT - ჩემი ვირტუალური მეგობარი თუ საფრთხე; ხელოვნური ინტელექტის გავლენა მენტალურ ჯანმრთელობაზე; რეალური და ყალბი წარმოდგენა სოციალური მედიის შესახებ და სხვ.
პროექტის ერთ-ერთი მნიშვნელოვანი აქტივობა იყო მინისპექტაკლი. ადამიანურ ურთიერთობებზე ციფრული სამყაროს გავლენის წარმოსაჩენად, თავად მონაწილეებმა მოიფიქრეს სცენარი და რეალურად განახორციელეს კიდეც.
ახალგაზრდები პროგრამის მოხალისეებთან ერთად, ქალაქ ბაია-მარეს ღირსშესანიშნაობებს, მის ისტორიასა და კულტურასაც გაეცნენ.
იორდანიის, ეგვიპტის, თურქეთისა და საქართველოს ახალგაზრდებმა ციფრულ სამყაროსთან დაკავშირებულ თემებზე პაზლებიც ააწყვეს, რომლებსაც, ორგანიზატორები ბაია-მარეს სკოლის მოსწავლეებს გააცნობენ.
გრუნის სტუდენტებმა თანატოლებს განსახილველი თემის შესახებ თავიანთი გამოცდილებაც გაუზიარეს, კულტურული საღამოს ფარგლებში კი საქართველოს ტრადიციები გააცნეს.
პროექტი ევროკავშირის დაფინანსებით განხორციელდა.
უნივერსიტეტი მადლობას უხდის ახალგაზრდულ ორგანიზაციას - „დრონი“ , თანამშრომლობისათვის.