2022 წლის 20 ივლისს გრუნიმ დაიწყო პრაქტიკული ინგლისურის ორთვიანი სასწავლო კურსი სტუდენტებისათვის, რომელსაც ამერიკელი მოხალისე პედაგოგი ბრენდონ ჰარდინგი გაუძღვება.
ბერნდონ ჰარდინგი საქართველოში ამერიკის საელჩოს სპეციალური მოწვევით ჩამოვიდა, გრუნის სტუდენტებისთვის პრაქტიკული ინგლისურის ენის ცოდნის გასაძლიერებლად.
პროექტში ჩაერთვნენ სხვადასხვა მიმართულების ის სტუდენტები, რომლებსაც გააჩნიათ ენის ცოდნის შესაბამისი დონე.
პირველი მეცადინეობა გაცნობითი ხასიათის იყო, პედაგოგმა მოუსმინა სტუდენტებს, გაიგო მათი მიზნები, ინტერესი, მოლოდინი, შემდეგ კი განსახილველი თემები გააცნო მონაწილეებს.
პირველ მეცადინეობას ესწრებოდნენ: რექტორის მრჩეველი ანა აბესაძე და სტრატეგიული განვითარებისა და მარკეტინგული კვლევის სამსახურის უფროსი მერი ლომია.
სწავლება კვირაში ორჯერ გაიმართება და სასწავლო წლის დაწყებამდე გაგრძელდება.
უნივერსიტეტი წარმატებას უსურვებს თითოეულ სტუდენტს.