რა არის საექთნო საქმე?

საექთნო საქმე მოიცავს ჯანმრთელობის დაცვის, პრევენციის, მკურნალობის, რეაბილიტაციისა და პაციენტზე ზრუნვის პროფესიულ საქმიანობას - პაციენტის საჭიროებების შეფასებას და შესაბამისი მოვლის უზრუნველყოფას; ჯანმრთელობის მდგომარეობის მონიტორინგსა და მკურნალობის პროცესში სამედიცინო პერსონალის დახმარებას; დაავადებების პრევენციისა და ჯანმრთელობის პოპულარიზაციის პროგრამებში მონაწილეობას; პაციენტის და მისი ოჯახის წევრების განათლებას, რათა ხელი შეეწყოს მათი ჯანმრთელობის გაუმჯობესებასა და თვითმოვლის უნარების განვითარებას; ეთიკური და სამართლებრივი სტანდარტების დაცვას პროფესიულ საქმიანობაში.

საექთნო საქმის თეორიული საფუძვლები ემყარება ბიომედიცინას, ფსიქოლოგიას, სოციოლოგიას და ჯანმრთელობის მართვის პრინციპებს. პროგრამაში გამოიყენება მტკიცებულებაზე დაფუძნებული პრაქტიკა, რათა პაციენტის ზრუნვა იყოს მაქსიმალურად ეფექტური და უსაფრთხო.

რატომ უნდა აირჩიოთ საექთნო საქმე?

საექთნო საქმის საბაკალავრო პროგრამა მიზნად ისახავს სტუდენტებისთვის პროფესიული ცოდნის, კლინიკური უნარებისა და ეთიკური პრინციპების სწავლებას. პროგრამა მოიცავს თეორიულ და პრაქტიკულ სწავლას, მათ შორის პაციენტზე ზრუნვას, ჯანმრთელობის შეფასებას, მკურნალობის პროცესში მონაწილეობას და პრევენციულ ღონისძიებებს. კურსდამთავრებულებს ექნებათ დასაქმების შესაძლებლობა კლინიკებში, საავადმყოფოებში, საზოგადოებრივ ჯანდაცვაში და საერთაშორისო ორგანიზაციებში. პროგრამა ფოკუსირებულია თანამედროვე ტექნოლოგიებზე და ინოვაციურ მეთოდებზე, რაც უზრუნველყოფს სტუდენტების კონკურენტუნარიანობასა და პროფესიულ ზრდას. ეს არის კარიერული გზა მათთვის, ვისაც სურს საზოგადოებაზე ზრუნვა და ჯანდაცვის სფეროში საქმიანობა.

რატომ გრიგოლ რობაქიძის სახელობის უნივერსიტეტი?

თუ საექთნო საქმე თქვენთვის საინტერესო პროფესიაა, სწორედ ჩვენი უნივერსიტეტი დააკმაყოფილებს თქვენს მოლოდინს. აქ დაგხვდებიან კვალიფიციური პრაქტიკოსი სპეციალისტები და წამყვანი მეცნიერები, რომლებსაც დიდი გამოცდილება აქვთ ამ ინდუსტრიაში. ჩვენი პროგრამა მიჰყვება ევროპის უმაღლესი განათლების სივრცის ახალ სასწავლო მოდელს - ინტეგრირებულ სწავლებას, რომელიც ითვალისწინებს სრულიად ახალი მეთოდების გამოყენებას სასწავლო პროცესში. უნივერსიტეტი უზრუნველყოფილია თანამედროვე მატერიალური რესურსით - სიმულაციური ცენტრით, ლაბორატორიებითა და საკუთარი, აფილირებული კლინიკით, რომლებიც აღჭურვილია უახლესი ტექნოლოგიებით, მედიცინის სკოლის 30-წლიანი გამოცდილებით.

სასწავლო გეგმა - მატრიცა