უნივერსიტეტი თავის მისიად თვლის - ხელმისაწვდომი გახადოს სწავლა ნებისმიერი ნიჭიერი და შრომისმოყვარე ახალგაზრდისათვის, შესაბამისად, ქვეყანას მოუმზადოს მაღალიკვალიფიციური კადრები. ამიტომ უნივერსიტეტმა თქვენთვის შეიმუშავა ფინანსური მხარდაჭერის პროგრამა, რომელიც რამდენიმე მიმართულებით ხორციელდება. ესენია:

თითოეულ სტუდენტს - ზრუნვისა და მხარდაჭერის მაქსიმუმი

• სტუდენტებისათვის, რომელთა ოჯახები სრულად ვერ წვდებიან სწავლის საზღაურს დაწესებულია ფინანსური შეღავათები სხვადასხვა ოდენობით. ასეთ შემთხვევაში შეგიძლიათ განცხადებით მიმართოთ ადმინისტრაციას, რომელიც განიხილავს და საკითხს თქვენს სასარგებლოდ გადაწყვეტს.

• სტუდენტები, რომლებისთვისაც სწავლის საზღაურის გადახდა სტანდარტული წესით რთულია, შეუძლიათ ინდივიდუალური გრაფიკი შეადგინონ.

ეს შეღავათები არანაირ ფინანსურ ვალდებულებებს არ წარმოშობს თქვენთვის უნივერსიტეტის დამთავრების შემდეგ. თქვენი ერთადერთი ვალდებულება იქნება ისწავლოთ ისე როგორც თანამედროვე ახალგაზრდას შეეფერება, რასაც მოითხოვს ცოდნაზე დაფუძნებული ეკონომიკა.