საქართველოს კანონის „უმაღლესი განათლების შესახებ“ თანახმად პროგრამაზე დასაშვებად აბიტურიენტმა უნდა გაიაროს ერთიანი ეროვნული გამოცდები და მოაგროვოს გამსვლელი ქულები. ერთიანი ეროვნული საგამოცდო ცენტრი კონკურსის შედეგებით, უნივერსიტეტის მიერ დადგენილი კოეფიციენტებით, რანჟირების წესით ჩარიცხულ სტუდენტების სიას წარუდგენს უნივერსიტეტს.

დაწვრილებითი ინფორმაცია შეგიძლიათ მოიპოვოთ ინტენეტით შემდეგ მისამართზე: http://www.naec.ge/

პროცედურა:

1. ერთიანი ეროვნული გამოცდების გავლის შემდეგ, გამსვლელი ქულების მიღების შემთხვევაში, ეროვნული ცენტრი გაძლევთ გამოცდების გავლის დამადასტურებელ სერთიფიკატს მიღებული ქულებისა და სწავლის გაგრძელების უფლების მითითებით, რომელსაც წარმოადგენთ სტუდენტთა მობილობისა და რეგისტრაციის ცენტრში.

თან უნდა იქონიოთ შემდეგი დოკუმენტები:

• საშუალო სკოლის ატესტატი;
• სამხედრო მიწერის მოწმობის ასლი (ვაჟებისთვის);
• ფოტოსურათი (3X4) CD დისკთან ერთდ;
• პირადობის მოწმობის ასლი;
• არასრულწლოვნობის შემთხვევაში კანონიერი წარმომადგენელის (მშობლის) პირადობის მოწმობის ასლი (რეგისტრაცია ხორციელდება კანონიერ წარმომადგენელთან ერთად).

2. თქვენ მიერ წარმოდგენილი დოკუმენტები შედარდება ეროვნულ ცენტრის მიერ უნივერსიტეტში გამოგზავნილს და მიიღებთ აპლიკაციების ფორმების პაკეტს, მათ შორის, ხელშეკრულებას.

3. დოკუმენტების გაცნობისა და ხელმოწერის შემდეგ მოხდება თქვენი რეგისტრაცია და მიიღებთ პირად ნომერს (ეს უკანასკნელი სწავლის პერიოდში ხშირად დაგჭირდებათ). გადმოგეცემათ, აგრეთვე, სტუდენტისათვის სხვა საჭირი დოკუმენტები. ამ პროცედურის შედეგად, პრაქტიკულად, უკვე სტუდენტი ხდებით.