გრიგოლ რობაქიძის უნივერსიტეტის სტომატოლოგიის სკოლის პროფესორი - მარინა დევდარიანი, მონაწილეობდა საერთაშორისო სამეცნიერო ფორუმში - FENS Forum 2026, რომელიც 2026 წლის 6-10 ივლისს ესპანეთში, ბარსელონაში, გაიმართა.

ფორუმი ნეირომეცნიერების სფეროში ერთ-ერთი ყველაზე მასშტაბური და პრესტიჟული საერთაშორისო სამეცნიერო ღონისძიებაა, რომელიც მსოფლიოს სხვადასხვა ქვეყნის წამყვან მკვლევრებს, მეცნიერებსა და აკადემიური წრეების წარმომადგენლებს აერთიანებს.

კონფერენციაზე გრუნის პროფესორმა წარადგინა სამეცნიერო მოხსენება: „Exposure to the Antioxidant Folium Alleviates Oxidative Stress in a Valproic Acid-Induced Animal Model of Autism“, რომელიც ეფუძნებოდა კვლევას ანტიოქსიდანტ Folium-ის გავლენის შესახებ ვალპროის მჟავით ინდუცირებული აუტიზმის ცხოველურ მოდელში განვითარებულ ოქსიდაციურ სტრესზე.

პროფესორ მარინა დევდარიანის მონაწილეობა FENS Forum 2026-ში კიდევ ერთხელ ადასტურებს გრიგოლ რობაქიძის უნივერსიტეტის აკადემიური პერსონალის აქტიურ ჩართულობას საერთაშორისო სამეცნიერო საქმიანობაში, რაც ხელს უწყობს უნივერსიტეტის კვლევითი პოტენციალის წარმოჩენასა და საერთაშორისო აკადემიური თანამშრომლობის გაღრმავებას.