2025 წლის 27-28 ნოემბერს გრიგოლ რობაქიძის უნივერსიტეტის ასოცირებული პროფესორი და რომუალდო დელ ბიანკოს საერთაშორისო ფონდის ექსპერტთა ბორდის წევრი, ბელა კოპალიანი, მონაწილეობდა ფონდის მიერ ორგანიზებულ ფორუმში: „მსოფლიო - ფლორენციაში 2025, მემკვიდრეობა - მშვიდობის მოძრაობა“.

ფორუმის პანელური შეხვედრები და სესიები დაეთმო მშვიდობის, მემკვიდრეობითობისა და კულტურათშორისი დიალოგის საკითხების განხილვას:

• მშვიდობა და მემკვიდრეობა: კონფლიქტის, შერიგების, კულტურათშორისი განათლებისა და კულტურის კომუნიკაციური ძალა;
• მშვიდობის კომუნიკაცია, კომუნიკაციის როლი დიალოგისთვის;
• ტურიზმი, როგორც შეხვედრებისა და დიალოგის შესაძლებლობა;
• საზოგადოებაზე დაფუძნებული ტურიზმი;
• მემკვიდრეობა და ბუნებრივი რესურსები.

გაიმართა მონუმენტის - „მემკვიდრეობა მშვიდობის მშენებლობისთვის“, პრეზენტაცია.

გრიგოლ რობაქიძის სახელობის უნივერსიტეტი 2019 წლიდან არის რომუალდო დელ ბიანკოს საერთაშორისო ფონდის პარტნიორი, რომელიც საგანმანათლებლო და ბიზნეს მიმართულებით თანამშრომლობს 5 კონტინენტის 111 ქვეყანასთან, 500 ინსტიტუციასთან, 5212 დიდი ქალაქის მერიასთან.

უნივერსიტეტის რექტორის, პროფესორ მამუკა თავხელიძის გადაწყვეტილებით, ფონდის უხუცეს ვიცე-პრეზიდენტს, პაოლო დელ ბიანკოს, გადაეცა უნივერსიტეტის სერტიფიკატი და საპატიო მედალი: „ალმა მატერის რჩეული“.

უნივერსიტეტი განაგრძობს თანამშრომლობას საერთაშორისო ფონდთან და გრუნის პროფესორ-მასწავლებლებისა და სტუდენტების მონაწილეობით ერთობლივი საგანმანათლებლო და კვლევითი პროექტების განხორციელებას.