2025 წლის 20 სექტემბერს მოსწავლეებისათვის გაიმართა ლიდერობის საერთაშორისო პროგრამის (IYLCP) პირველი ვირტუალური სესია.

პროგრამა, რომელიც გრუნისა და სინგაპურში დაფუძნებული ორგანიზაციის - „Global Citizen ducation Group“-ის, ერთობლივი პროექტია, უკვე მეორე წელია წარმატებით ხორციელდება და სპეციალურად IX-XII კლასების ქართველი, აზერბაიჯანელი, ფილიპინელი, ვიეტნამელი და ინდონეზიელი მოსწავლეებისთვის არის შექმნილი.

IYLCP არის ინტენსიური, 9-კვირიანი, ონლაინპროგრამა, რომელიც ახალგაზრდებს თანამედროვე ლიდერისათვის აუცილებელი უნარებისა და კომპეტენციების განვითარებაში ეხმარება. სესიები ტარდება ინგლისურ ენაზე და მოიცავს თემებს:

• ხელოვნური ინტელექტი და ლიდერობა;
• დროის მენეჯმენტი და მიზნის დასახვის ხელოვნება;
• სტრესის მენეჯმენტი;
• ემოციური და კულტურული ინტელექტი;
• პრობლემისა და კონფლიქტის გადაჭრის გზები;
• მეწარმეობა;
• პროექტის მენეჯმენტი;
• ხელოვნური ინტელექტის გამოყენების ეთიკა;

პროგრამა გაგრძელდება 2025 წლის 20 სექტემბრიდან 15 ნოემბრამდე.

საქართველოდან შერჩეულ 16 მონაწილეს შორის არიან მოსწავლეები: თბილისიდან, ქუთაისიდან, საჩხერიდან, ფოთიდან, უშგულიდან, ცაგერიდან, ტყიბულიდან და საწირიდან.

პროგრამას გრიგოლ რობაქიძის უნივერსიტეტიდან ხელმძღვანელობენ: რექტორის მრჩეველი, ანა აბესაძე; რექტორის მოადგილე და ბიზნესის სკოლის დეკანი, პროფესორი, ვახტანგ ჭარაია; მენეჯმენტისა და მარკეტინგის საბაკალავრო პროგრამების ხელმძღვანელი, პროფესორი, თენგიზ თაქთაქიშვილი.

პირველ სესიაზე გრუნის პროფესორებმა მონაწილეებს პროექტში გამარჯვება მიულოცეს და წარმატება უსურვეს