2025 წლის 12 სექტემბერს, საქართველოს ეკონომისტის დღეს, თბილისში გაიმართა ეკონომისტთა VII ეროვნული კონფერენცია, რომელიც საქართველოს ეროვნული ვალუტის - ლარის, შემოღების 30 წლისთავს მიეძღვნა.

კონფერენციის მუშაობაში მონაწილეობდა გრუნის რექტორის მოადგილე, ბიზნესისა და მართვის სკოლის დეკანი, პროფესორი ვახტანგ ჭარაია, რომელმაც წარადგინა მოხსენება „არასაბანკო საფინანსო შუამავლობა საქართველოსა და ზოგიერთ განვითარებად ქვეყანაში: გამოწვევები და შესაძლებლობები".

კონფერენციის მუშაობაში, ასევე, მონაწილეობდნენ: საქართველოს მეცნიერებათა ეროვნული აკადემიის აკადემიკოსი - ვლადიმერ პაპავა, ეკონომიკისა და მდგრადი განვითარების მინისტრის მოადგილე - ვახტანგ ცინცაძე, საქართველოს პარლამენტის ეკონომიკური პოლიტიკის კომიტეტის თავმჯდომარე - შოთა ბერეკაშვილი, საქართველოს მეცნიერებათა ეროვნული აკადემიის პრეზიდენტი - როინ მეტრეველი და სებ-ის პრეზიდენტი - ნათია თურნავა.

„ეკონომისტის დღე“, ტრადიციულად, სექტემბრის მეორე პარასკევს აღნიშნება და 1918 წელს პირველი ქართული სამეცნიერო-ეკონომიკური ჟურნალის - „საქართველოს ეკონომისტის“, გამოცემის დღეს უკავშირდება. 2018 წლიდან ამ დღის აღსანიშნავად, საქართველოში ეკონომისტთა ეროვნული კონფერენცია იმართება, რომელსაც აკადემიკოსი ვლადიმერ პაპავა ხელმძღვანელობს.

2023 წელს ეკონომისტთა მეხუთე კონფერენციას გრიგოლ რობაქიძის სახელობის უნივერსიტეტი მასპინძლობდა.