2025 წლის 25 - 27 ივნისს ესპანეთის ქალაქ ვალენსიაში გაიმართა მედიცინაში გამოყენებული სიმულაციის ევროპული საზოგადოების (SESAM) 30-ე ყოველწლიური ფორუმი, რომელიც ჯანდაცვის მოდელირებისა და სიმულაციის საკითხებს მიეძღვნა.

ღონისძიება მოიცავდა კომპლექსურ აქტივობებს: კონფერენციას, თემატურ გამოფენას, SESAM INN-ის Showcase-ებსა და ინოვაციური პროექტების ჩვენებას, ასევე, დისკუსიასა და სპონსორობის შესაძლებლობების განხილვას.

გრუნის პარტნიორი ორგანიზაციის - „თბილისი მედიკი“, მხარდაჭერით, ფორუმის მუშაობაში მონაწილეობდა მედიცინის სკოლის დეკანის მოადგილე ილონა ბიტაროვა, რომელმაც მოისმინა ევროპელი ექსპერტების პლენარული ლექციები. ALERT-ის სესიები: ახალი პროექტების განხილვა და გამოხმაურება. ჩაერთო კვლევით სამიტში, რომელიც სიმულაციის სფეროში ხელოვნური ინტელექტის გამოყენებას ეძღვნებოდა გაეცნო სიმულაციური აღჭურვილობისა და პროგრამული გადაწყვეტილებების მწარმოებლების ექსპოზიციას.