გრიგოლ რობაქიძის უნივერსიტეტმა და კომპანია "ჰოთქარდმა" თანამშრომლობის მემორანდუმს მოაწერეს ხელი.

შეთანხმების მიზანია სტუდენტების პროფესიული განვითარებისა და პრაქტიკული გამოცდილების ხელშეწყობა.

თანამშრომლობის ფარგლებში დაიგეგმა სტუდენტთა სტაჟირება, სასწავლო-პრაქტიკული პროექტები და ღონისძიებები, რომლებიც მნიშვნელოვნად გაზრდის სტუდენტების დასაქმების შესაძლებლობებს და გააღრმავებს მათ პროფესიულ კომპეტენციებს.

მემორანდუმს გრიგოლ რობაქიძის უნივერსიტეტის მხრიდან ხელი მოაწერა რექტორის მოადგილემ, პროფესორმა ვახტანგ ჭარაიამ.