გრიგოლ რობაქიძის უნივერსიტეტმა, ჯანდაცვის მარკეტინგის საკონსულტაციო ჯგუფთან ერთად, საუნივერსიტეტო კლინიკის პერსონალისა და, ზოგადად, სამედიცინო სფეროს მუშაკებისთვის, ჩაატარა ჯანდაცვის სამინისტროს მიერ აკრედიტებული ტრენინგი: „პაციენტზე ორიენტირებული ეფექტური კომუნიკაციის ტექნიკა ექიმებისთვის“.

ტრენინგის ფარგლებში მსმენელები გაეცნენ სამედიცინო კომუნიკაციის თავისებურებებს - შეისწავლეს მტკიცებულებათა ბაზაზე შემუშავებული, პაციენტზე ორიენტირებული ეფექტური კომუნიკაციის ტექნიკა, რაც მათ საშუალებას მისცემს გაზარდონ მკურნალობის ეფექტურობა; მართონ პაციენტებთან კონფლიქტური სიტუაცია; დაიხმარონ პაციენტი მკურნალობის პროცესში მისი ჩართულობისა და მოტივაციის ამაღლების გზით; გაზარდონ კმაყოფილი პაციენტების რაოდენობა და მნიშვნელოვნად შეამცირონ სამედიცინო შეცდომების განვითარების რისკი.

მსმენელებს გადაეცათ სერტიფიკატი და მიენიჭათ 6 უპგ ქულა.

ტრენინგს უძღვებოდა ჯანდაცვის მაგისტრი, ჯანდაცვის მარკეტინგის საკონსულტაციო ჯგუფის დირექტორი სოფიო გოგელაშვილი.