გრუნის ბიზნესისა და მართვის სკოლის ასოცირებული პროფესორის, ტურიზმის საგანმანათლებლო პროგრამის ხელმძღვანელის მოადგილის - მაკა ფირანაშვილის, მოწვევით, გაიმართა ტურიზმის მიმართულების სტუდენტების შეხვედრა დარგის სპეციალისტთან, ადამიანური რესურსების მენეჯერთან - ქეთევან ბარათაშვილთან.

მოწვეულმა სტუმარმა ისაუბრა ახალი სასტუმრო „ტელეგრაფის” შესახებ და სტუდენტებს შესთავაზა სასტუმროში არსებული სხვადასხვა ვაკანსია.

სასტუმრო “ტელეგრაფი” თბილისში, რესპუბლიკის მოედანზე, ცენტრალური ფოსტის ისტორიულ შენობაშია განთავსებული, რომელიც აერთიანებს 239 დახვეწილი დიზაინის ნომერს, განსხვავებული კულინარიული კონცეფციის რესტორნებს, უმაღლესი კლასის ბარებსა და ჯაზკლუბს. ასევე, საკონფერენციო სივრცეებს სხვადასხვა კულტურული თუ ბიზნესღონისძიებისთვის.

სასტუმრო „ტელეგრაფი“ პრესტიჟული საერთაშორისო ორგანიზაციის - The Leading Hotels of The World (LHW), უმაღლესი კლასის სასტუმროების კოლექციას ოფიციალურად შეუერთდა. ეს პარტნიორობა ნიშნავს, რომ ტელეგრაფი უერთდება მსოფლიოს ელიტური სასტუმროების რიცხვს, რომელთაც გამოარჩევს უნაკლო სერვისი, უნიკალური იდენტობა და სტუმარ-მასპინძლობის უმაღლესი სტანდარტები.

შეხვედრამ კითხვა-პასუხის რეჟიმში ჩაიარა.