27 მარტს გრიგოლ რობაქიძის სახელობის უნივერსიტეტის ბიზნესის სკოლამ უმასპინძლა მსოფლიოში ყველაზე დიდ სტარტაპსაზოგადოებას - Startup Grind Tbilisi-ს.

მოწვეულმა სპიკერმა, ყოფილმა პროფესიონალმა ჩოგბურთელმა და წარმატებულმა მეწარმემ, კომპანია Helio AI-ის დამფუძნებელმა - იაკო ჯიქიამ, სტუდენტებთან ისაუბრა, როგორ შეძლო ტრავმის შემდეგ სპორტიდან ბიზნესში წარმატებით გადანაცვლება და როგორ შექმნა ინოვაციური AI პლატფორმა, რომელიც ერთ-ერთი მოწინავეა რეკრუტინგის ინდუსტრიაში.

შეხვედრაზე განიხილეს:

• დისციპლინის მნიშვნელობა როგორც სპორტში, ისე ბიზნესში;
• ხელოვნური ინტელექტის როლი თანამედროვე დასაქმების პროცესში;
• სტარტაპის შექმნის გამოწვევები და შესაძლებლობები;
• ქალი მეწარმის უნიკალური პერსპექტივა ბიზნესში;
• გუნდის ძალა და გამძლეობის გაკვეთილები.

ღონისძიებას ესწრებოდნენ სტუდენტები, სტარტაპერები და ბიზნესის სფეროს წარმომადგენლები, რომლებმაც მიიღეს ღირებული ინფორმაცია მომავლის დასაგეგმად.

გრიგოლ რობაქიძის სახელობის უნივერსიტეტის ბიზნესის სკოლა აგრძელებს მსგავსი ინოვაციური და საგანმანათლებლო პროექტების ორგანიზებას, რათა ახალგაზრდა მეწარმეებსა და სტუდენტებს ჰქონდეთ პირდაპირი კონტაქტი წარმატებულ ლიდერებთან.